Unha volta ao ano é un álbum ilustrado que propón unha viaxe poética a través das estacións do ano. Unha viaxe para celebrar os cambios grandes e pequenos da vida.
Está chea de humor, tenrura e sensibilidade, unha obra protagonizada por unha simpática familia de ratiños. Retrata todo aquilo que sucede ao longo dun ano e do ciclo das estacións, momentos marabillosos e outros non tanto. Aprendizaxes, pequenos desafíos e grandes descubrimentos que forman parte da aventura de crecer.
Trátase dun relato de estrutura circular para prelectores e primeiros lectores:
- Sen citar os meses, sitúanos a comezos de xaneiro, en pleno inverno, cando predomina a estancia no fogar e a posibilidade de gozar da neve.
- Segue en primavera coa floración e o aumento progresivo das actividades de lecer ao aire libre con outros habitantes do barrio.
- Despois chega o verán coa calor, cos xogos na praia e na piscina.
- E avanza ao outono coa caída das follas e a volta ao espazo doméstico, para retornar ao tempo invernal, cos encontros arredor das festas do Nadal.
As ilustracións, expresivas e cheas de cor, capturan a esencia de cada estación. Os xogos na casa durante o inverno, os paseos en bicicleta coa chegada da primavera. Os xeados do verán ou as follas que caen no outono. Unha obra que celebra a natureza cíclica do ano e o paso do tempo a través da mirada curiosa da infancia. Tamen é especialmente ideal para compartir en familia, e para gozar unha e outra vez, como as estacións que regresan con cada volta do calendario.
Mariana Ruiz Johnson reúne unha escolma de vivencias propias de cada etapa. Dende o anecdótico ata acontecementos destacados, que suceden en distintos momentos (mañá, tarde, noite) e nas que a infancia se recoñece. Esa identificación refórzase cun enfoque narrativo en segunda persoa que apela directamente as lectoras e os lectores. Á vez que asistimos ás accións que se desenvolven con breves diálogos.
Esa combinación de bocadillos de cómic, textos e páxinas visuais enlazadas coa repetición da frase “e os días irán pasando…” achega ritmo e dinamismo a esta divertida historia. Os protagonistas medraron nun ambiente feliz, adquiriron coñecementos e descubrimos cambios no seu círculo familiar.
O colorido dos escenarios, non só no interior da casa, se non tamen na natureza, xunto coa expresividade dos personaxes. O humor e a tenrura que desprende cada páxina, completan esta proposta que evidencia a versatilidade creativa da autora.
Unha volta ao ano destaca polos seguintes aspectos:
- Celebra os cambios, tanto os grandes coma os pequenos, que ocorren na vida e na natureza co paso do tempo.
- Unha narración cargada de humor, tenrura e sensibilidade.
- É unha historia que «cando termine volverá comezar», reflectindo o ciclo infinito do tempo onde nada volve ser exactamente igual.
Este producto cumple la normativa Europea de calidad.
